Ollscoil na Gaillimhe▻An tIonad Forbartha Gairmeacha▻Foghlaim Obairbhunaithe ▻ Socrúchán Oibre do Mhic Léinn

Socrúchán Oibre do Mhic Léinn

Ag dul ar Shocrúchán

Is modúl foghlama obair-bhunaithe é an socrúchán oibre atá leabaithe i gcláir áirithe in Ollscoil na Gaillimhe. Cuireann sé ar do chumas taithí oibre luachmhar a fháil le cur ar do CV agus foghlaimeoidh tú scileanna nua sa timpeallacht oibre ag an am céanna. Cuidíonn sé seo le d’infhostaitheacht a fheabhsú don todhchaí.
Tá an clár foghlama obair-bhunaithe seo éigeantach agus d’fhéadfadh sé go gcuirfí moill ar do chéim a bhronnadh ort mura gcuirfidh tú an Clár Taithí Gairmiúla i gcrích go sásúil.

Conas a rachaidh an socrúchán oibre chun tairbhe duit?
• Tugann sé deis duit an obair theoiriciúil a chleachtadh.
• Foghlaimítear eolas agus scileanna nua a bhaineann leis an saol acadúil agus pearsanta.
• Tugann sé léargas ar an saol oibre, forbraítear féinfheasacht agus tacaíonn sé le cinntí gairme a dhéanamh.
• Cuireann sé le do CV, ag leagan béime ar do chuid scileanna agus éachtaí nua.
• Cuireann sé le d’infhostaitheacht agus do sheans ar phost a bhaint amach i ndiaidh na céime.
• Cruthaíonn sé líonra de theagmhálacha féideartha don tréimhse atá le teacht.

Próiseas an tSocrúcháin Oibre

Dianchúrsa:

Glacfaidh tú páirt inár nDianchúrsa Socrúcháin Oibre an bhliain sula dtéann tú ar shocrúchán oibre.
Is éard atá sa Dianchúrsa Infhostaitheachta don Fhoghlaim Obair-bhunaithe sraith ceardlann infhostaitheachta atá mar bhonn ag Dearadh Uilíoch don Fhoghlaim a dhéanann iarracht na mic léinn a ullmhú do phróiseas an tsocrúcháin oibre. Tá trí chuid i gceist.

  1. Seisiún Comhairleach: Áirítear sa chuid Chomhairleach den cheardlann dianchúrsa rannpháirtíocht idirghníomhach le Lucht Léinn, Comhairleoirí Gairme, Oifigigh Socrúcháin Oibre agus mic léinn a bhfuil fostóirí aimsithe acu agus mic léinn i mbliain na céime. Úsáidtear uirlis idirghníomhach ar líne chun riachtanais na mac léinn a léiriú agus a gcuid tuisceana a mheas.
  2. Ceardlann CV: Ceardlann idirghníomhach atá sa cheardlann CV a reáchtáiltear i ríomhlann, áit a mbeidh dréacht CV comhlánaithe ag grúpa mac léinn. Déantar é a uaslódáil ar an ríomhaire agus déantar gach mír den CV a mhíniú píosa ar phíosa ar bhealach idirghníomhach.
  3. Athbhreithniú CV duine le duine: Déanann gach mac léinn an leagan deiridh dá CV a chur i gcrích i ndiaidh dóibh an cheardlann CV a chríochnú. Ina dhiaidh sin, tugtar an leagan seo chuig coinne athbhreithnithe CV duine le duine, áit a ndéanfar athbhreithniú ar gach CV chun a chinntiú gurb é an leagan is fearr is féidir é.  Is féidir coinní a dhéanamh ar Careers Connect. 
Bliain an tsocrúcháin oibre:

Nuair a fhillfidh tú do sheimeastar a haon, iarrfar ort cur i láthair ar an socrúchán oibre a thabhairt. Leis seo tabharfar eolas duit maidir leis an Iarratas ar Shocrúchán Oibre ar líne. Beidh ceardlann ar scileanna agallaimh ar fáil duit chomh maith a thabharfaidh cúnamh duit agus tú ag ullmhú d’agallaimh.

Is é an tIarratas ar Shocrúchán Oibre an córas ar líne a úsáidtear chun próiseas an tsocrúcháin oibre uile a bhainistiú. Nuair a bheidh tú cláraithe ar an gcúrsa tabharfar rochtain duit ar an gcóras. Beidh tú in ann do CV a uaslódáil agus iarratas a dhéanamh ar na socrúcháin atá fógartha. Déantar próiseas an tsocrúcháin oibre ar fad ó chéim an iarratais go dtí céim na tairisceana a bhainistiú ar an Iarratas ar Shocrúchán Oibre.